Uzbekistan Airways тўртта Boeing самолётини сотувга қўйди. Бу ҳақда компания сайтида маълум қилинди. Қайд этилишича, бу авиапаркни янгилаш ва келгусида унификациялаштириш лойиҳаси доирасида амалга оширилмоқда.
Сотувга қўйилган самолётлар:- Boeing 757−200 UК-75701 (1999 йил) — 12 миллион 30 минг доллар.
- Boeing 757−200 UК-75702 (1999 йил) — 12 миллион 408 минг доллар.
- Boeing 767- 3 CBER UK-67007 (2003 йил) — 21 миллион 414 минг доллар.
- Boeing 767−3 CBER UK-67008 (2004 йил) — 22 миллион 362 минг доллар.
Эслатиб ўтамиз, 2019 йилнинг июнида Uzbekistan Airways миллий авиакомпания самолётлар паркини унификациялаш ва такомиллаштириш, эксплуатация харажатларини камайтириш, хизмат муддати 15 йилдан ортиқ бўлган ҳаво кемаларини реализация қилишни режалаштирганини маълум қилган ва 5 та моделдаги жами 18 та самолётни сотувга қўйган эди.
Хориж интернет сайтлари, ижтимоий тармоқларда янги келтирилган замонавий Boeing 787 Dreamliner самолётлари ҳам сотувга қўйганлиги ҳақида хабарлар тарқалган, компания бу маълумотни рад этган эди.
Аввалроқ Жаҳон банки Ўзбекистон авиация тизимини модернизация қилишга ёрдам бериши ҳақида хабар берилган эди. Туризмни ривожлантириш қўмитаси раиси Азиз Абдуҳакимов самолётлар сони кўпайтирилмаса, Ўзбекистон бозорни Қозоғистонга бой бериши мумкинлигини айтган.
Изоҳ (0)