Бугун,

  • USD 11095.31
  • RUB 173.84
  • EUR 10772.44

Актриса Гавҳар Шариповага юк машинаси ҳайдовчиси шилқимлик қилган, шундан сўнг актриса юриб кетаётган машинадан ўзини ташлаб вафот этган. Бу ҳақда «Дарё»га Қашқадарё вилояти ИИБ ЙҲХБ хабар берди.

Фото: Kino-teatr.ru

Фото: Kino-teatr.ru

Қашқадарё вилояти ИИБ ЙҲХБ томонидан тақдим этилган дастлабки хабарда актриса юриб кетаётган автобусдан тушиб кетгани маълум қилинган эди.

Ҳодиса 18 ноябрдан 19 ноябрга ўтар кечаси соат 02:20 ларда, А-380 Самарқанд—Ғузор автомобиль йўлининг 140-километрида содир бўлган. Сурхондарё вилояти Шўрчи туманида яшовчи 1990 йилда туғилган Ш.Ф. бошқарувида бўлган Isuzu юк автомобили соатига 140 км тезликда ҳаракатланиб келаётган пайтда ҳайдовчи бир қўлида автомобилини бошқариб туриб, ўнг қўли билан автомобиль салонида йўловчи сифатида кетаётган актрисанинг елка ва қўлларидан ушлаб шилқимлик қилган. Оқибатда Гавҳар Шарипова автомобиль эшигини очиб, уни ушлаб турган. Ҳайдовчи буни кўра туриб ҳаракатланишда давом этган ва амалдаги йўл ҳаракати қоидаларининг 77-банди 3-қисмида кўрсатилган «Ҳаракатланиш вақтида ҳайдовчи аниқлай оладиган хавф юзага келса, транспорт воситасини тезлигини у тўла тўхтатишни таъминлайдиган даражада камайтирмасдан» йўлларда ҳаракатланиш қоидаларини қўпол равишда бузиб, транспорт воситасини тўхтатиш чораларини кўрмасдан йўлида давом этган.

Оқибатда Гавҳар Шарипова автомобиль кабинасидан тушиб кетиб, ҳаёти учун хавфли бўлган тан жароҳати олиб, ҳодиса содир бўлган жойда вафот этган.

Ушбу ҳолат юзасидан Ғузор тумани ИИБ томонидан 2019 йил 18 ноябрь куни Жиноят Кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) билан жиноят иш қўзғатилиб, фуқаро Ш.Ф.га нисбатан қамоққа олиш эҳтиёт чораси қўлланилган. Агар Ш.Ф. айбдор деб топилса 7 йилгача озодликдан маҳрум этилиши мумкин.

Изоҳ
Асосий янгиликлар
Спорт
Маҳмуд Муродовнинг навбатдаги жанги санаси ва манзили аниқ бўлди
Маҳаллий
Ўзбекистонликлар учун Қозоғистонда рўйхатдан ўтмасдан қолиш муддати 30 кунгача узайтирилди
Маҳаллий
“2022 йилда уй-жой нархлари иккиламчи бозорда 28 фоизга, аҳоли реал даромади эса 9 фоизга ошди” – Марказий банк раиси