2019 йилнинг 10 июлида Тошкентда йирик халқаро компаниялар меҳнат хавфсизлигини оширишга ва ишлаб чиқариш чоғида жисмоний шикастлар сонини кескин камайтиришга қаратилган якка тартибда ҳимояланиш воситаларини (кейинги ўринларда – ЯТҲВ) тақдим этди.
Намойиш учун намуналар қаторидан саноат қулоқчинлари, махсус пойабзаллар ва терини ҳимояловчи воситалар ўрин олди.
Мазкур намойиш ҳимояланишнинг инновацион воситалари Саноат хавфсизлиги маркази қошидаги ўқув марказида тақдим этилди. «ZM» (АҚШ), SC Johnson Professional (АҚШ), Ansell (Бельгия), «Лига спецодежды» (Россия) каби якка тартибда ҳимояланиш воситаларини ишлаб чиқиш ва ишлаб чиқариш соҳасидаги етакчи компаниялар, шунингдек Ўзбекистон Республикаси давлат идораларининг вакиллари иштирок этди.
Ўқув марказининг фаолияти замонавий ҳимояланиш воситаларини жорий этиш, меҳнатни муҳофаза қилиш бўйича хорижий тажриба билан масъул шахсларни таништириш, шунингдек ЯТҲВнинг қўлланилиши самарадорлигини ошириш ҳисобига ишлаб чиқариш жароҳатлари миқдорини камайтиришга йўналтирилади.
«Саноат хавфсизлиги маркази қошидаги ўқув марказ ‘Линия защиты’ компаниялар гуруҳининг муҳим лойиҳаларидан биридир. Саноат хавфсизлиги маркази 11 йилдан ортиқ вақт давомида йирик саноат корхоналарига якка тартибда ҳимояланиш воситаларини етказиб бериш билан бир қаторда уларга халқаро нормаларга мувофиқ корпоратив стандартларни жорий этишга ёрдам бериб келмоқда. Бу борада марказга хорижий ҳамкорлар ёрдам бериб, улар Ўзбекистон Республикаси Бандлик ва меҳнат муносабатлари вазирлиги ишчи гуруҳи таркибида ЯТҲВни эксплуатация қилишнинг янги техник регламенти устида иш олиб бормоқда. Ҳужжат аввал ҳисобга олинмаган хатарларни қамраб олади.
Масалан, электр токи уриши каби хатарнинг норматив ҳужжатларда мавжуд эмаслиги ана шундай муаммолардан бири ҳисобланади. Тегишли корхоналарнинг меҳнатни муҳофаза қилиш хизматлари ходимларни кучли иссиқлик оқими ва куйишлардан ҳимоя қилувчи махсус кийим билан таъминлай олмайди. Эскирган нормалар ва ҳимояланиш воситаларидан фойдаланиш инсонлар ҳаёти ва саломатлигини хавф остига қўймоқда, шу билан биргаликда ЯТҲВ йилдан йилга тобора такомиллашиб бормоқда ва янада кучлироқ хавфсизликни таъминламоқда», — дейди Саноат хавфсизлиги маркази раҳбари Алишер Тилаев.
Якка тартибда ҳимояланиш воситалари бўйича ўқув марказининг курслари Ўзбекистон корхоналари ва назорат қилувчи идоралари мутахассислари учун ўтказилади.
«Бугун меҳмонлар ўз тажрибаларида ЯТҲВдан фойдаланиш инсон саломатлигини сақлаб қолишга қодир эканлигига ишонч ҳосил қилишди. Халқ орасида болгарка сифатида маълум бўлган бурчак шлифовка қилиш машинкасини тез-тез ишлатиш – эшитиш қобилиятининг сусайишига ёки йўқолишига сабаб бўлади, мойлар, нефть ва бошқа зарарли бирикмалар тери орқали қонга киради ва жигарни парчалайди, ҳаттоки жуда паст баландликдан ҳам қулаш (уч метрдан кўп эмас) жиддий жароҳатларга олиб келиши мумкин. Буларнинг баридан саноат қулоқчинлари, хавфсизликни таъминлаш тизимлари, махсус костюмлар, дерматологик воситалар ҳимоя қилади.
Айниқса юқоридагилар Ўзбекистонда кам қўлланилади. Шу билан бирга Европа ва АҚШда ишга киришишдан аввал инсон ҳимоя кремини суртади ва қўлқопларни кийиб, иш вақти тугаганидан кейин тозаловчи ва қайта тикловчи кремлардан фойдаланади», — дейди Саноат хавфсизлиги маркази раҳбари Алишер Тилаев.
Шунингдек, ЯТҲВдан фойдаланиш маданиятини сингдириш ўқув маркази фаолиятининг йўналишларидан бири бўлиб қолади, бу ўз бепарволиги ва лозим бўлган экипировкадан фойдаланишни истамаслик сабаби бўйича ходим томонидан олинган жароҳатлар миқдорини камайтириш имконини беради.
«Линия защиты» компаниялар гуруҳи ҳақида
«Линия защиты» компаниялар гуруҳи Ўзбекистонда саноат, қишлоқ хўжалиги ва бошқа турдаги корхоналарга якка тартибда ҳимояланиш воситаларини етказиб бериш ҳамда ишлаб чиқаришда меҳнат хавфсизлиги ва унга оид муаммолар ҳамда таҳдидларни таҳлил қилиш ечимларини тақдим этувчи етакчилардан ҳисобланади.
«Линия защиты» Америка, Европа ва Россияда кўплаб ҳамкорларига эгадир: 3М (ҳимояланишнинг инновацион воситалари — АҚШ), Ansell (қўлларни ҳимоялаш воситалари — Бельгия), SC Johnson Professional (ювиш ва дерматологик ҳимоя воситалари — АҚШ), Honeywell (ҳимоялаш воситалари — АҚШ), «Авангард» (ЯТҲВ — Россия), «Лига спецодежды» (газни ўлчаш ускуналари — Россия), «Защитние решения» (шифокор келгунга қадар тиббий ёрдам кўрсатиш воситалари — Россия).
Ушбу гуруҳ таркибига 11 йилдан буён йирик саноат корхоналарига якка тартибда ҳимояланиш воситаларини етказиб бериш билан бир қаторда уларга халқаро нормаларга мувофиқ норматив ҳужжатларни тақдим этиш билан шуғулланувчи Саноат хавфсизлиги маркази киради.
Реклама ҳуқуқи асосида.
Изоҳ (0)