АҚШ президенти Дональд Трамп саудиялик журналисти Жамол Қошиқчининг ўлдирилишидан «ғазабланган»нини айтди, бироқ Саудия Арабистони валиаҳди Муҳаммад бин Салмонни «айбламайди», деб ёзади «Коммерсантъ.ru».
«Мен бу ҳодисадан жуда ғазабландим ва хафа бўлдим», деди у. Бироқ, «ҳеч ким Саудия Арабистонининг валиаҳд шаҳзодасини бевосита айбламаган», дея қўшимча қилди АҚШ президенти.
Аввалроқ, Саудия Арабистони ташқи ишлар вазири БМТнинг журналистнинг ўлими ҳақидаги маърузасида қарама-қаршилик ва асоссиз айбловлар борлигини маълум қилди.
Бундай баёнот билан у БМТнинг инсон ҳуқуқлари бўйича Кенгаши Саудия Арабистони шаҳзодасининг журналистни ўлдиришга алоқадорлиги ҳақидаги ҳисоботни тақдим этганидан сўнг чиқиш қилди.
Эслатиб ўтамиз, Жамол Қошиқчи 2018 йил 2 октябрда Истанбулдаги Саудия Арабистони бош консуллиги ҳудудида ўлдирилган. Оммавий ахборот воситалари Қошиқчининг қийноққа солинганлигини ёзган. Саудия Арабистони бош прокуратураси беш нафар гумондор учун ўлим жазосини талаб қилди.
Изоҳ (0)