Россиянинг Ленинград вилоятида 28 июнь куни бир йигит ўзбекистонлик муҳожирга бир неча бор пичоқ урди. Бунинг сабаби эса у ўз мопедида кетаётиб, муҳожирга пиёдалар ўтиш жойида йўл бермагани учун танбеҳ эшитгани бўлди. Бу ҳақда «Новости Узбекистана» хабар берди.
Воэқа Лесколовода содир бўлган.
Ёш йигит мигрантнинг орқасидан дўконга кирган, у ерда унга мушт туширган, аммо қарши зарба олгач, пичоқни олиб, муҳожирга бир неча марта пичоқ билан урган. Шундан кейин ғойиб бўлган.
Кадрдан кўриниб турибдики, дастлаб мушт билан зарб берилган, кейин эса совуқ қурол билан. Ярадор йиқилиб қолмаган бўлса ҳам, ундан ерга анча қон тўкилган.
Муҳожир оғир ҳолатда касалхонага келтирилди. Шифокорларнинг уринишига қарамай, шифохонада жон берган.
Маълум бўлишича, унинг юрагига зарба берилган. Марҳумнинг исми Хаматулло Розиқов экани аниқланди.
29 июнь куни Жиноят қидирув бўлими ходимлари Санкт-Петербургда 15 ёшли мактаб ўқувчисини қўлга олди. У 49 ёшли Ўзбекистон фуқаросига пичоқ билан ҳужум қилганликда гумон қилинмоқда.
Изоҳ (0)