«Порту» дарвозабони Икер Касильяс футболчилик фаолиятига якун ясайди, деб хабар берди O Jogo.
37 ёшли испаниялик тез кунларда карьерасини якунлаши ҳақида эълон қилади. Шу билан бирга у «Порту»ни тарк этмайди, аммо клуб тизимида қолади.
Клуб президенти Пинту да Коштанинг тасдиқлашича, «Порту» аллақачон Касильяс ўрнига дарвозабон қидирмоқда.
Маълумот учун, Икер Касильяс жорий мавсум Примейро доирасида 31 та учрашувда майдонга тушиб, шулардан 18 тасида ўз дарвозаси дахлсизлигини сақлаб қолди.
Эслатиб ўтамиз, аввалроқ Касильяс юрак хуружини бошидан ўтказганлиги ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!