Судан ҳарбий кенгаши мамлакатда ўтиш даврини жорий қилиш бўйича мухолифат вакиллари билан келишувга эришганини маълум қилди, деб хабар беради «Коммерсантъ».
Шунингдек, маълумотларга кўра, «Эркинлик ва ўзгариш учун» альянси вакиллари қонунчилик кенгашида 67 фоиз ўринга эга бўлади. Судан ҳарбий кенгаши мухолифат билан биргаликда намойишчиларни ноқонуний тақиб қилиш фактлари бўйича терговни амалга оширадиган қўмита тузишини билдирди.
Sky News Arabia телеканалининг маълум қилишича, икки томон ўртасида келишувнинг тафсилотлари яқин соатлар ичида эълон қилинади.
Эслатиб ўтамиз, 11 апрель куни генерал-лейтенант Авад бин Ауф тўғридан-тўғри эфир орқали мамлакат президенти Умар ал-Баширнинг қўлга олинишини маълум қилганди. Мамлакатда бошқарувни махсус ҳарбий кенгаш назоратга олган. Икки йил муддатга вақтинчалик ҳукумат тузилган.
Изоҳ (0)