17 апрель, чоршанба куни футбол бўйича Европа Чемпионлар Лигаси 1/4 финалининг жавоб ўйинида «Тоттенҳэм» ҳужумчиси Сон Ҳён Мин «Манчестер Сити» дарвозасини 2 марта ишғол қилди (3:4).
Gracenote Live’нинг берган маълумотига кўра, бу орқали у мусобақа тарихидаги энг сермаҳсул осиёлик футболчига айланди. Унинг голлари сони 12 тага етиб, Киевнинг «Динамо» клубида тўп сурган ўзбекистонлик Максим Шацких (11 та) рекордини янгилади.
Маълумот учун, «Тоттенҳэм» Чемпионлар Лигаси ярим финалида «Аякс» билан финал йўлланмаси учун кураш олиб боради.
Бу мавсумда Сон «Тоттенҳэм» таркибида барча мусобақаларда 42 та ўйинда майдонга тушиб, 20 та гол урди ва 10 та голга ассистентлик қилди.
Европа Чемпионлар Лигасида эса 10 та ўйинда 4 марта рақиб дарвозасини ишғол қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!