24 март, якшанба куни футбол бўйича Европа Чемпионатининг саралаш босқичи доирасида гуруҳларда 2-тур учрашувларига старт берилди.
Куннинг илк ўйини Нур-Султон (собиқ Остона шаҳри)да ўтказилди. Унда Қозоғистон терма жамоаси Россияни қабул қилди.
Ўйиннинг 19 ва 45-дақиқаларида Денис Черишев дублга эришган бўлса, 52-дақиқага келиб Aртём Дзюба ҳам ўз номига гол ёздириб қўйди. Орадан 10 дақиқа ўтиб эса Абзал Бейсебеков ўз дарвозасини ишғол қилиб қўйди.
Шу тариқа россияликлар Қозоғистонни ўз уйида йирик ҳисобда таслим қилди (4:0).
Шу куни Гарет Бэйл етакчилигидаги Уэльс терма жамоаси оз майдонида Словакия термаси билан баҳсга киришди.
Беллашувнинг 5-дақиқасида мезбон жамоа ярим ҳимоячиси Даниэл Жеймснинг киритган голи уэльсликларга ғалаба келтирди ва жамоа 3 очкони қўлга киритди (1:0).
Илк турда Озарбайжонни базўр ютган (2:1) Хорватия терма жамоаси меҳмонда Венгрия термаси билан куч синашди.
Учрашувнинг 13-дақиқасида Анте Ребич ҳисобни очган бўлса, 34-дақиқага келиб Адам Салаи ҳисобни тенглаштирди (1:1). 76-дақиқада эса мезбон жамоа аъзоси Мате Паткаи ғалаба голини урди ва жамоасига муҳим 3 очкони тақдим этди (2:1).
Евро—2020
Саралаш, 2-тур баҳслари
24 март, якшанба
«E» гуруҳи
Уэльс—Словакия 1:0
Гол: 1:0 — 5 ЖеймсВенгрия—Хорватия 2:1
Голлар: 0:1 — 13 Ребич, 1:1 — 34 Салаи, 2:1 — 76 Паткаи«I» гуруҳи
Қозоғистон—Россия 0:4
Голлар: 0:1 — 19 Черишев, 0:2 — 45 Черишев, 0:3 — 52 Дзюба, 0:4 — 62, автогол, БейсебековСан Марино—Шотландия 0:2
Голлар: 0:1 — 4 Маклин, 0:2 — 74 Расселл«G» гуруҳи
Исроил—Австрия 4:2
Голлар: 0:1 — 8 Арнаутович, 1:1 — 34 Захави, 2:1 — 45 Захави, 3:1 — 55 Захави, 4:1 — 66 Даббур, 4:2 — 75 АрнаутовичЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!