22 март, жума куни Хитойнинг Наннинг шаҳрида бўлиб ўтаётган футбол бўйича «China Cup—2019» халқаро мусобақасининг иккинчи ярим финал баҳси бўлиб ўтди.
Унда Эктор Купер қўл остидаги Ўзбекистон терма жамоаси Оскар Табарес бошқарувидаги Уругвай термасига қарши майдонга тушди.
Беллашувнинг 5-дақиқасидаёқ Гастон Перейра ҳисобни очган бўлса, 25-дақиқага келиб Кристиан Стуани Санжар Қувватов қўриқлаётган дарвозага Лео Месси услубида тўпни жойлаб қўйди (2:0). 82-дақиқада эса Кристиан Стуани яна бир бор дарвозани ишғол қилди ва дублга эришди (3:0).
Шу тариқа Ўзбекистон терма жамоаси Уругвайга йирик 0:3 ҳисобида мағлуб бўлди. Энди Купер шогирдлари 25 март куни Хитой термаси билан мусобақанинг 3-ўрни учун кураш олиб боради.
China Cup—2019
1/2 финал баҳси
22 март, жума
Уругвай—Ўзбекистон 3:0
Голлар: 1:0 — 5 Перейра, 2:0 — 25 Стуани, 3:0 — 82 СтуаниУругвай: Муслера, Касерес, Годин (Коатес, 64), Ҳименес, Лаксалт (Гонсалес, 61), Нандез (Родригес, 77), Весино, Бентанкур, Лодейро (Сараччи, 61), Стуани, Перейра
Ўзбекистон: Қувватов, Сайфиев, Исмоилов, Кримес, Ҳошимов, Аҳмедов, Шукуров, Сиддиқов (Алибоев, 72), Машарипов, Ҳамдамов (Мирзаев, 64), Шомуродов (Бикмаев, 64)
Огоҳлантиришлар: Ҳошимов (59), Сайфиев (67), Машарипов (79), Ҳименес (85)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)