Жорий йилнинг 29—31 март кунлари Грузия пойтахти Тбилиси шаҳрида дзюдо бўйича анъанавий «Гран-При» халқаро мусобақаси бўлиб ўтади. Унда Ўзбекистон миллий терма жамоаси ҳам иштирок этади, деб хабар берди Жисмоний тарбия ва спорт вазирлиги матбуот хизмати.

55 та давлатдан 452 нафар (252 эркак, 200 аёл) спортчи иштирок этадиган мусобақада 7 нафар дзюдочи Ўзбекистон шарафини ҳимоя қилади. Мазкур мусобақада жаҳоннинг етакчи дзюдочилари нафақат медаллар, балки Токио Олимпиадаси рейтинг очколари учун ҳам баҳс олиб боради.

Ушбу мусобақада иштирок этадиган ўзбекистонлик спортчи ва мураббийлар рўйхати:

Эркаклар:

• - 60 кг: Диёрбек Ўрозбоев, Шарофиддин Лутфуллаев
• - 73 кг: Ҳикматилла Тўраев
• - 81 кг: Камолиддин Расулов
• - 90 кг: Яҳё Имомов, Давлат Бобонов
• - 100 кг: Муҳаммадкарим Хуррамов

Мураббийлар:

• Ўктам Раҳмонов
• Адҳам Жамолов