24 февраль, якшанба куни футбол бўйича Англия Лига Кубогининг финал учрашуви бўлиб ўтди.
Унда Маурицио Сарри қўл остидаги Лондоннинг «Челси» клуби «Уэмбли» стадионида Хосеп Гвардиола бошлиқ «Манчестер Сити» билан баҳс олиб борди.
Беллашувнинг асосий вақтида ҳам қўшимча 15 дақиқалик бўлимларда ҳам ғолиб номи аниқланмади.
Манчестер клуби пенальтилар сериясида Лондон жамоасини 4:3 ҳисобида мағлуб этди ва Англия Лига Кубоги совриндорига айланди.
Эслатиб ўтамиз, «Аристократлар» мусобақанинг ярим финалида Лондоннинг бошқа бир клуби «Тоттенҳэм» билан икки ўйин натижасига кўра 2:2 ҳисобида ўйнаб, пенальтилар сериясида ғалабани илиб кетганди (4:2).
Мазкур босқичда «манкунианлар» эса умумий ҳисобда «Бёртон» дарвозасига жавобсиз 10 та гол уриб, ғалабани нақд қилган эди.
Англия Лига Кубоги
Финал баҳси
24 февраль, якшанба
«Челси»—«Манчестер Сити» 0:0 (3:4)
«Челси»: Аррисабалага, Аспиликуэта, Давид Луис, Рюдигер, Эмерсон, Жоржиньо, Кант, Баркли (Лофтус-Чик), Виллиан (Игуаин, 95), Азар, Педро (Хадсон-Одои, 79)«Манчестер Сити»: Эдерсон, Зинченко, Ляпорт (Компани, 46), Отаменди, Уокер, Фернандиньо (Данило, 91), Давид Силва (Гундўғон, 79), Де Брюйне (Сане, 86), Бернарду Силва, Стерлинг, Агуэро
Огоҳлантиришлар: Давид Луис (30), Фернандиньо (58), Рюдигер (72), Жоржиньо (88), Отаменди (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)