55 нафар Ўзбекистон фуқароси, жумладан икки бола 12 январь куни Қозоғистоннинг Павлодар вилоятида техник носоз автобусдан эвакуация қилинди. Бу ҳақда «Газета.uz» хабар бермоқда.
Ўзбекистон Фавқулодда вазиятлар вазирлиги матбуот хизматининг маълум қилишича, Van Hool русумли автобус (давлат рақами 310 DHB 13) Тошкентдан Красноярскка йўл олган. Йўловчиларга унга Қозоғистоннинг Туркистон вилоятида, Жибек Жоли (собиқ Черняевка) чегара-ўтказиш пунктида чиққан.
Автобус «Павлодар—Остона» автомобиль йўлида, Калмакан қишлоғидан 30 километр узоқликда тўхтаб қолган. Тахминан соат 14:10 да Павлодар Фавқулодда вазиятлар департаменти кучлари йўловчиларни иситиш пунктига — «Спутник» станцияси яқинидаги ўрта мактаб биносига эвакуация қилди. Уларга тиббий ёрдам кўрсатиш эҳтиёжи бўлмаган.
Йўловчиларни сўнгги манзилга етказиш учун Новосибирскдан йўловчи автобус йўлга чиққани билдирилмоқда. Автобус 13 январь куни соат 13:00 да манзилга етиб боради.
Изоҳ (0)