Маҳсулотлар, хом ашё ва материаллар асосий турларининг йириклаштирилган моддий балансларини ишлаб чиқиш тўғрисидаги Президент фармойиши қабул қилинди. Бу ҳақда «Ҳуқуқий ахборот» канали маълум қилди.
Фармойишга мувофиқ, 2019 йилдан иқтисодиётда давлатнинг улушини босқичма-босқич қисқартириш мақсадида моддий балансларни тасдиқлаш тартиби қуйидагилар учун бекор қилинди:
Янги мева-сабзавот маҳсулотларини харид қилиш ва фойдаланишга давлат буюртмаси;
Ўсимлик ёғи, ўсимликларни ҳимоя қилиш кимёвий воситалари, иккиламчи алюминий ресурслари, пахта чигити шроти, металл молибдени ва волфрам ишлаб чиқариш ва истеъмол қилиш;
Президентнинг айрим турдаги маҳсулотлар, хом ашё ва материалларнинг моддий балансларини тасдиқлаш ваколати ҳукуматга ўтказилди.
Ҳукуматнинг қуйидаги материалларни ишлаб чиқариш, истеъмол қилиш ҳамда етказиб бериш прогнозини тасдиқлаш ваколати Иқтисодиёт вазирлигига ўтказилди:
Қора металл прокати;
Металл рухи;
Сулфат кислотаси;
Полиэтилен;
Полипропилен;
Пахта момиғи;
Рангли металл парчалари ва чиқиндилари.
Изоҳ (0)