Байрам шукуҳи кезиб юрган айни кунларда кўрсатилаётган хизмат сифатини янада юксалтириш, қишлоқ хўжалик маҳсулотларини аҳолига нисбатан арзон нархларда етказиб бериш мақсадида Андижон вилоятининг барча шаҳар ва туман марказларида анъанавий қишлоқ хўжалик маҳсулотлари ярмаркалари иш бошлади. Бу ҳақда вилоят ҳокимлиги матбуот хизмати «Дарё»га хабар бермоқда.
Шу йилнинг 10 декабридан 2019 йилнинг 3 январигача ўтказилиши режалаштирилган мазкур ярмаркаларда 30 турдан ортиқ қишлоқ хўжалиги ва озиқ-овқат маҳсулотлари арзон нархларда сотилиши белгиланган. Ноз-неъматларнинг узлуксизлигини таъминлаш учун корхона, агрофирма ва фермер хўжаликлари бириктирилди. Харидорларга кўрсатилаётган хизматлар кўламини янада кенгайтириш мақсадида жойларда турғун савдо расталари ҳам жорий этилди.
Вилоят ҳокими Шуҳратбек Абдураҳмонов Андижон шаҳрининг 16 та гавжум ҳудудида ташкил этилган ярмаркаларнинг очилишида иштирок этиб, аҳоли учун яратилган шарт-шароитлар ҳамда маҳсулотларнинг сифати билан танишиб, фуқаролар кайфияти билан қизиқди.
Изоҳ (0)