24 октябрь куни Жондор тумани Тинчлик МФЙда яшовчи, 1940 йилда туғилган фуқаро Г.Боймуродова туман ИИБга ариза билан мурожаат қилди, деб хабар беради Бухоро вилояти ИИБ матбуот хизмати.
Фуқаро ўз мурожаатида шу куни соат 12:30 ларда номаълум шахс унинг яшаш уйига кириш эшиги орқали ғайриқонуний равишда кириб, диван бурчагидаги ёстиқ остида бўлган 570 000 сўм нақд пулини яширин равишда ўғирлаб кетганлигини билдирган.
Олиб борилган тезкор суриштирув ишлари натижасида ушбу жиноятни Жондор тумани Пахтакор МФЙда яшовчи, 1998 йилда туғилган, тумандаги мактабгача таълим муассасаларидан бирида тарбиячи бўлиб ишловчи, Гулшода Шоаҳмедова (исми шарифи ўзгартирилган) содир қилганлиги аниқланиб, унга нисбатан Ўзбекистон Республикаси ЖКнинг 169-моддаси (ўғрилик) 2-қисми билан жиноят иши қўзғатилган.
Изоҳ (0)