Қушлар ҳимояси бўйича Буюк Британия қироллик жамияти 2020 йилгача Жанубий Атлантикадаги Гоф оролидаги барча сичқонларни йўқ қилиш мажбуриятини олди. Орол дунёдаги денгиз қушларининг энг катта колонияларидан бири ҳисобланади. Қушларга кемирувчилар таҳдид солмоқда, деб ёзади «РИА Новости».
Тристан-да-Куня архипелаги таркибидаги Гоф оролига денгизчилар XIX асрнинг охирида тасодифан уй сичқонини олиб борган. Экологларнинг хабар қилишича, 100 йилдан ортиқ вақт ичида сичқонлар нафақат оролни тўлиқ эгаллади, балки уларнинг ўлчамлари Европадаги қариндошлариникига нисбатан камида бир ярим мартага катталашди.
Улкан сичқонлар популяцияси одам яшамайдиган мазкур оролда тахминан 700 мингта сичқондан иборат. Ҳайвонлар ҳимоячиларининг маълумотларига кўра, кемирувчилар ҳар йили камида икки миллионта денгиз қушини йўқ қилади. Кузатувларнинг кўрсатишича, ҳужум қилиш учун кемирувчилар 10 тагача сичқондан иборат отрядга бирлашади ва қушни тириклигича еб қўяди.