НАТО янги штаб-квартирани Маккейн шарафига номлаш истагида

НАТО янги штаб-квартирани АҚШнинг марҳум сенатори Жон Маккейн шарафига номлаш имкониятини кўриб чиқмоқда. Бу ҳақда CNN телеканали маълум қилди, деб ёзади «Корреспондент.net».

Буюк Британия парламентидаги Консерватив партия аъзоси Том Тагендхет сенаторнинг ўлимидан сўнг тегишли талабномани  НАТОга юборди. У Британия парламентининг хорижий ишлар бўйича қўмитасига раҳбарлик қилади.

Альянс матбуот котиби Оана Лунгеску НАТО талабномани олганлиги ва уни диққат билан кўриб чиқишини маълум қилди. Маккейн узоқ вақт давомида Шимолий Атлантика альянсини оммалаштиришда етакчи овоз бўлиб келган. У НАТО ва иттифоқда Европанинг бошқа мамлакатлари аъзолигини кенгайтириш тарафдори бўлган.