Иқболжон Холдоров ҳам Осиё ўйинлари—2018 ярим финалига чиқди

Бугун, 29 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинлари давом этмоқда.

Бокс бўйича мусобақаларда -64 кг вазн тоифасида Ўзбекистон шарафини ҳимоя қилаётган Иқболжон Холдоров чорак финалда Жанубий кореялик Лим Ҳюнсукка қарши рингга чиқди. Ҳакамлар Иқболжонннинг 4:0 ҳисобидаги ғалабасини қайд этишди.

Аввалроқ -49 кг вазн тоифасидаги Ҳасанбой Дўстматовнинг ярим финалга йўл олгани ҳақида хабар берилганди. Бугун, шунингдек, Миразиз Мирзаҳалилов ҳамда Исроил Мадримовлар ҳам чорак финал жангини ўтказади.