«Мотовелозавод» компанияси (Беларусь) Ўзбекистонда велосипед ишлаб чиқаришни йўлга қўяди. Бу ҳақда Беларусь давлат телеграф агентлиги маълум қилди, дея хабар беради «Халқ сўзи».
Компания Андижон вилояти ҳокимлиги билан мазкур вилоят ҳудудида велотехника ишлаб чиқаришни ташкил этиш ниятида келишувга эришган.
Томонлар биринчи навбатда велосипед ишлаб чиқаришни бошлайдиган қўшма корхона ташкил этади, келгусида эса бу ерда мотоцикллар ишлаб чиқариш ҳам йўлга қўйилади.
Ташкил этилаётган корхонага Ўзбекистонда хорижий инвестициялар иштирокидаги бошқа қўшма корхоналар учун ўрнатилган имтиёз ва преференцияларни тақдим этиш тўғрисида ҳам келишиб олинган.
Изоҳ (0)