Актриса Диана Ягофарова «The Mag» журналига берган интервьюсида шахсий ҳаётига оид маълумотларни ошкор қилди.
«Очиғини айтсам, шахсий ҳаёт борасида омадим чопган. Биласизми, ‘Супер келинчак’ даги ролим оилавий ҳаётимда ўзига хос из қолдирди, фильмдаги аксарият ҳодисаларни ҳаётда ҳам бошимдан кечирдим», — дейди актриса.
Диана турмуш ўртоғи билан қандай танишгани ҳақида шундай дейди:
«Биз Янги йил байрамидан кейин, ресторанда умумий дўстларимиз даврасида танишдик. Мурод мени тўрт кун бир тадбирда кўрган ва ўшандаёқ менга уйланишга қарор қилган экан. Тақдирдан қочиб қутулиб бўлмас экан. Тўрт кундан сўнг мен унинг қаршисида турардим. Мана тўққиз йилдирки, бахтли ҳаёт кечириб, икки нафар ўғлимизни тарбиялаяпмиз.
Узоқ йиллардан бери бирга яшаяпмиз ва ҳар сафар бир-биримизга муносабатга бошқача ёндошамиз. Ахир вақт ўтган сари ҳаммамиз ўзгарамиз. Ривожланяпмиз, янги ролларни ўзлаштирамиз, масъулият ортади. Оиламизда энг асосийси — ишонч, ҳурмат ва садоқат».
Актриса ўғилларини қандай тарбиялаётгани ҳақида гапириб, қуйидагиларни сўзлаб берди:
«Биринчи навбатда, биз болаларни эмас, ўзимизни тарбиялаймиз. Чунки улар бизнинг аксимиз. Шунинг учун ҳам ўз устимизда ишлаш жараёни тўхтамайди. Ота-она сифатида биз фарзандларимизни фақат қўллаб-қувватлаш ва улардаги ижодкорликни ривожлантиришга ҳаракат қиламиз. Фарзандларим санъат билан шуғулланишни истаса, имконият яратамиз, ядро кимёси билан шуғулланиш истаги пайдо бўлса уни ҳам қўллаб-қувватлаймиз».
Изоҳ (0)