АҚШнинг Ўзбекистондаги элчихонаси журналист Бобомурод Абдуллаев озод қилиниши юзасидан баёнот берди.

Баёнотда, жумладан, шундай дейилади:

«Америка Қўшма Штатлари етти ойлик суд жараёнидан сўнг 7 май куни журналист Бобомурод Абдуллаевни озод этилганини олқишлайди. Биз суд мулозимларини очиқ ва шаффоф ўтказилган, Ўзбекистон суд тартиб-қоидаларига асосланган суд жараёни билан қутлаймиз.

Суд қарорида терговчилар томонидан ‘кўплаб процессуал қонунбузарликлар’ содир этилгани ҳам қайд этилган. Келгусида бундай ишлар такрорланмаслиги учун Америка Қўшма Штатлари Ўзбекистон ҳукуматини бу қонунбузарликларни кўриб чиқиб, тегишли чоралар кўришга ундайди. Барча бирга судланувчиларнинг ҳам оқланишига оид бу қарор демократик жамиятда сўз эркинлиги нечоғли муҳим аҳамият касб этишини яна бир карра тасдиқлайди».