Тошкентдаги собиқ «Алгоритм» заводи Германия саноат зонасига айлантирилиши мумкин. Бу ҳақда Spot хабар бермоқда.
14–16 май кунлари Ўзбекистонга тарихдаги энг йирик Германия делегацияси ташриф буюради. У асосан Германия ишбилармон давралари намояндаларидан иборат бўлади.
Делегация таркибида 70 дан ортиқ банк, автомобилсоз, кимё, электротехника саноати, туризм, қурилиш индустрияси, қишлоқ хўжалиги машинасозлиги, хизмат кўрсатиш ва бошқа соҳаларга ихтисослашган компаниялар вакиллари бор. Улар орасидан, жумладан, Siemens, MAN, BASF, TUI Group, SAP, Deutsche Bank ва Commerzbank ва бошқаларни айтиб ўтиш мумкин.
Делегациясида намояндалари иштирок этаётган кўпгина йирик корхоналар Ўзбекистонда шерикларга эга бўлса, зрта ва кичик фирмалар маҳаллий ҳамкасблари билан ҳамкорликни энди ўрнатишни режалаштирмоқда.
Делегация ташрифи доирасида 15 май куни International меҳмонхонасида B2B форматида бизнес-форум ва кооперацион биржа ўтказилади.
Ўша куни пойтахтда Германия – Ўзбекистон ишбилармонлар кенгашининг IV йиғилиши бўлиб ўтади, эртасига эса делегация вакиллари Бухоро вилоятида Knauf Gips заводи ишлаб чиқариш линиясининг ишга туширилиш маросимида иштирок этади.
Ташриф доирасида, шунингдек, делегация томонидан «Алгоритм» заводи ҳудудига сафар уюштирилиши кўзда тутилган.
Изоҳ (0)