Ўзбекистонда БМТнинг қийноқларга ҳамда муносабат ёки жазонинг бошқа шафқатсиз, ғайриинсоний ёки қадр-қимматни камситувчи турларига қарши конвенцияси ихтиёрий протоколини ратификация қилиш имконияти кўриб чиқилмоқда. Бу ҳақда 18 апрель Тошкентда Халқаро пресс-клуб мажлиси доирасида Бош прокуратура бошқармаси прокурори Азиз Эшбеков айтиб ўтди, деб ёзади Sputnik.
Унинг сўзларига кўра, протоколни ратификация қилиш масаласи идора даражасида муҳокама қилингач, тез орада бу масала бўйича қарор қабул қилинади.
Бундан ташқари, шу йил қийноқлар олдини олиш бўйича миллий превентив механизм яратилади, у жазони ўташ, ҳибсда сақлаш муассасаларида мониторинг ташкил қилиб, у ерда инсон ҳуқуқ ва эркинликлари таъминланишини ўрганишни кўзда тутади.
Изоҳ (0)