Шаҳзода Гарри қироллик оиласининг энг чиройли эркаги деб топилди

Шаҳзода Гарри қироллик оиласидаги энг чиройли эркак деб топилди. Бу ҳақда 17 апрель куни Daily Mail хабар берди, деб ёзади «Метро».

Шаҳзода Гаррининг юзи қариндошлари орасида энг симметрик эканлиги таъкидланмоқда. Лондон пластик жарроҳлик маркази раҳбари шифокор Жулиан Де Сильва юқоридаги хулосага келди. У қироллик оиласининг барча ёш эркаклари юзларини таққослаб кўрди ва Гаррининг юз кўрсаткичлари 81,4 фоиз тўплади.

Кембридж герцоги Уильям укасидан атиги 0,5 фоиз ортда қолди — унга чўзинчоқ юзи панд берди. Шунингдек, малика Аннанинг ўғли 40 ёшли Питер Филлипс (80,4 фоиз) ва Зара Филлипснинг турмуш ўртоғи ва регби юлдузи Марк Тиндалл (76,7 фоиз) ҳам етакчилар сафидан жой олди.

Март ойида Де Сильва қироллик оиласи аёллари ўртасида ҳам юқоридаги каби тадқиқот ўтказган эди. Ўшанда биринчи ўринни шаҳзода Гаррининг қаллиғи Меган Маркл (87,4 фоиз) эгаллаган эди. Шаҳзода Уильямнинг рафиқаси Кейт 86,8 фоиз, Зара Филлипс 81,6 фоиз тўплаган эди.