Киприкларни ўстириш учун 5 та самарали восита

Сунъий киприк қўйдиришдан олдин ўзингизнинг киприкларингизни ўстиришга уриниб кўринг. Бу арзон ва анча фойдалироқдир.

Киприкларни ўстириш учун воситалар

1. Канакунжут мойи

Канакунжут мойи — киприкларни ўстиришда самарали ва ишончли восита ҳисобланади.

Киприклар устига мойни чўткача ёрдамида эҳтиётлик билан суринг. Уни 15-45 дақиқа қолдиринг ва кейин макияжни тозаловчи восита ёрдамида ювинг.

Канакунжут мойини бир марта суриш етарли бўлмайди. Уни курслар билан қўллаш керак. Бу амални бир ой давомида ҳафтасига бир неча марта такрорланг.

             2. Чакамуғ мойи

Чакамуғ мойи киприкларни мустаҳкамлайди ва ўсишини тезлаштиради. У ҳам канакунжут мойи сингари ишлатилади: киприкларга 15–45 дақиқа суриб қўйинг, кейин ювинг.

Чакамуғ мойи фақат мунтазам равишда қўлланилсагина самара беради.

             3. Киприклар учун зардоблар

Бу препаратлар одатда ёғлар, ўсимлик экстрактлари ва витаминлардан ташкил топган бўлади. Бу воситани уй шароитида ўзингиз тайёрлашингиз ҳам мумкин.

4. Киприклар учун геллар

Ўстиришга ва мустаҳкамлашга ёрдам берадиган даволовчи геллар анъанавий рангли тушдан аввал ёки у билан бирга ишлатилади. Биринчи ҳолатда у ҳимоялаш вазифасини бажаради. Туш киприкларни қуритиши мумкин. Гель ҳимоя қилувчи тўсиқ яратишдан ташқари кун давомида киприкларни озиқлантиради ҳам.

5. Витаминлар

Юқорида айтилган воситалар суриш учун мўлжалланган бўлса, витаминларни эса ичиш керак. Киприклар ўсиши учун таркибида:

• B гуруҳ витаминлари
• E витамини
• А витамини

бўлган витаминлар тўплами мос келади.

Манба: «Woman.ru»