«Ўзбекистон ҳаво йўллари» Миллий авиакомпанияси 13 октябрдан эътиборан Тошкент-Душанбе-Тошкент йўналиши чипталари нархини арзонлаштирди. Бу ҳақда «Газета.uz» хабар бермоқда.
Тошкентдан Душанбега парвоз бир томонга 75 еврони ташкил этади. Тошкент-Душанбе-Тошкент йўналиши учун эса чипталар нархи 153 еврони ташкил этади.
Душанбедан Тошкентга учиш нархи бир томонга 87 евро, Душанбе-Тошкент-Душанбе йўналиши учун эса 153 еврони ташкил этади.
Ўзбекистон ҳудудида авиачипталарга тўлов сотув кунидаги Марказий банк курси бўйича миллий валютада амалга оширилади.
«Ўзбекистон ҳаво йўллари» Тожикистон пойтахтига парвозларни ҳафтасига бир марта, сешанба куни А320 самолётида амалга оширади.
Изоҳ (0)