Ироқ армияси ИШИД террорчилик гуруҳининг 200 дан ортиқ жангариини йўқ қилди ҳамда мамлакат шимолида жойлашган ал-Ҳавижа шаҳрининг террорчилик гуруҳи тасарруфида бўлган 500 квадрат километр атрофидаги ҳудудини озод қилди. Бу ҳақда «РИА Новости» хабар бермоқда.
Ироқ бош вазири Ҳайдар ал-Ободий 21 сентябрь, пайшанба куни ал-Ҳавижани озод этиш бўйича операция бошланганини маълум қилган эди.
Ироқ армияси шаҳар ғарбига Шергат аҳоли пунктидан ҳужум бошлади.
«Федерал полиция бўлинмалари операциянинг биринчи ва иккинчи босқичини якунлади, 480 квадрат километр ҳудудни эгаллади ҳамда 41 та қишлоқни озод этиб, 225 нафар террорчини йўқ қилди», — дейилади хабарда.
Ҳарбийлар, шунингдек, террорчиларнинг қурол ва транспорти йўқ қилингани ва тўқнашувлар бўлаётган ҳудуддан 90 та оила олиб чиқиб кетилганини маълум қилган.
Мосул Ироқ армияси томонидан озод этилганидан сўнг ал-Ҳавижа ИШИДнинг асосий штабига айланган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)