Жамила Ғофурова «Шакира» бўлгани, алламбало рақси ва очиқ кийингани юзасидан эътирозларга жавоб берди

Актриса Жамила Ғофурова «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.

Суҳбат давомида актриса чет эллик эстрада юлдузи Шакирага тақлид қилиб ўйнаган алламбало рақсига изоҳ берди.

Биз бу клипни экранларга чиқармоқчи эмас эдик, бу унақа клип эмас. Бу тўй либослари салонининг рекламаси эди. Чет эллик хонандаларга тақлид қилиш,  ўхшатиш лойиҳаси эди.

Кийимларимизга ҳам кўп эътирозлар билдирилди, у кийимнинг очиқ жойларида материал бор эди. Ҳозирги вақтда бунақа кўйлакларни ўзбек оилаларида ҳамма киймоқда, бунақа кўйлакларни битта биз кийиб чиққанимиз йўқ.

Мен актрисаман, менга Шакира бўлиб беринг дейишди, мен Шакирани ҳамма рақсини биламан. Бу ҳалиям мен ўзимизнинг каналларимизда бераётган клипларга мос ҳолатда тушган рақсларим бўлди.

Бизларга эътироз билдирганлар ўзимизнинг телеканалларимизда хонандаларимизнинг клипларини кўришади, аммо уларга индамайди, чунки уларни доим кўриб келган. Ўша хонандаларнинг клипида бундан баттар рақсларни ҳам қилишади, бундан баттар кийинишади ҳам. Томошабинлар бизни бундай ҳолатда кўришмагани учун шундай эътирозлар бўлди, деб ўйлайман.

Жамила Ғофурова, актриса

Жамила Ғофурова билан эксклюзив интервьюнинг тўлиғини қуйида томоша қилишингиз мумкин.

Актриса  суҳбат давомида болалиги, оиласи, «Эътироф» мукофоти, умуман актёр ва актрисаларнинг мукофотланиш тартиби ҳақида эътирозлари, очиқ кийинишига бўлган эътирозлар, Севинч Мўминова рақобатчи бўлган фильмда кастингдан ўта олмагани ҳақидаги барча саволларга очиқ-ойдин жавоб берди.