Мудофаа вазирлиги олий ўқув юртларига кириш ягона танлов асосида ўтказилади

Вазирлар Маҳкамаси қарори билан Ўзбекистон Республикаси олий ҳарбий таълим муассасаларига танлов тартиби ва қабул қоидалари ҳақидаги Низомга тузатишлар киритилди. Бу ҳақда Norma хабар бермоқда. 

Мудофаа вазирлиги олий ўқув юртларига номзодлар танлаб олиш энди ягона танлов асосида, кириш тест синовлари натижаларига кўра амалга оширилади. Тактик мотоўқчи ва чегара бўлинмалари ҳамда ҳарбий-ҳаво кучлар қўмондонлик ҳарбий мутахассисликлари бундан мустасно. 

Кириш тест синовлари биринчи таълим муассасаси базасида ёки алоҳида тегишли таълим муассасаларида ўтказилиши мумкин. 

Мудофаа вазирлиги олий ўқув юртларида ўтказилган тест синовлари натижалари таълим муассасалари бўйича бўлинмай, балларнинг пасайиб бориши тартибида тақдим этилади.