1999 йилда Москва вилоятидаги Новорижск шоссесига шиша-пластик материаллардан қурилган 44 метрли пирамида кучли шамол оқибатида вайрон бўлди, деб хабар берди «Газета.ru».
Новорижск шоссесининг 20-километрига қурилган пирамида муҳандис Александр Голоднинг «энергетик пирамида»лари ичида энг машҳури эди. Ушбу пирамидалар 1990 йилдан бошлаб Россия ва МДҲ давлатларига қурила бошланган. Голоднинг сўзларига кўра, улар «атроф-муҳит маконини тузилишини уйғунлаштиришга» хизмат қилиши керак бўлган.
Голоднинг таъкидлашича, пирамидадаги сув саратонни даволаши, пирамиданинг ўзи эса бир неча йиллардан сўнг «оққон, ОИТС, сил, грипп, гепатит каби касалликларни» йўқ қилиши керак бўлган. Бироқ шу кунгача ушбу касалликлар бўйича бирорта статистик ўзгаришлар аниқланмаган. Шунга қарамай Голоднинг пирамидалари маълум доираларда машҳурликка эришган.
Изоҳ (0)