Лондонда бўлиб ўтган Star Wars Identities кўргазмасида «Юлдузлар жанги» ишқибозлари учун номаълум бўлган энг ҳайратланарли фактлар маълум бўлди. Insider нашри ана шу фактлар жамланмасини тақдим этди.
Боба Феттнинг костюми тўлалигича оқ бўлиши мумкин эди
Дастлаб Боба Феттнинг ҳужумчиларнинг элита отрядида бўлиши мўлжалланган, чунки унинг костюми биринчи эскизларда тўлалигича оқ рангда бўлган. Бир нечта киносиновлардан сўнг унинг костюмига тўқ яшил ва қизил ранглар қўшилган. Шу туфайли томошабинларга яхши таниш қаҳрамоннинг образи шаклланган.
Тарқатилган маълумотларга кўра, Боба Феттнинг кемаси шакли йўлдош ликопча шаклига ўхшатилган. Шунингдек, «Раб-1»ни яратишда Porsche қисмларидан ҳам фойдаланилган.
C-3PO костюми Энтони Дэниэлс учун жуда оғир бўлган
Фильмни тасвирга олиш вақтида, айниқса, воқеалар Татуин жазирама чўлида бўлган саҳналарда, майдонга Дэниэлс суяниши мумкин бўлган вертикал таянч ўрнатилган.
Люк Скайуокер аёл бўлиши мумкин эди
Фото: Insider«Янги умид» сценарийсининг учинчи талқини устида ишлаётганда Жорж Лукас Люк Скайуокер образини малика билан алмаштириш ҳақида ўйлаган ва бир вақтда малика образи устида ҳам ишлаган. Якунда у бу фикрдан қайтган ва фильмда иккала образдан ҳам фойдаланишга қарор қилган.
Унинг фамилияси янада ёмонроқ таассурот уйғотувчи бўлиши мумкин эди
Дастлабки талқинларда Люкнинг фамилияси Старкиллер бўлган.
Жабба Хатт дастлаб инсоний хусусиятларга эга бўлган
Фото: InsiderФильмнинг датлабки эскизларида гангстер юзи ва оёқларида инсоний хусусиятлар бўлган. Унинг бўйи баланд ва келишган бўлган. Фильмнинг дастлабки талқинида Жаббани актёр ўйнаган, бироқ вақт ва воситаларнинг етишмаслиги, шунингдек, объектив билан боғлиқ муаммолар сабабли бу саҳна монтаж вақтида кесиб ташланган.
Йода ўз исмини Далай-лама туфайли олган
Сценарий ёзилишининг дастлабки босқичларида Лукас Йода учун турли исмларни синаб кўрган, масалан, Баффи ва Минч. Бу қаҳрамон учун прототип бўлиб Далай-лама хизмат қилгани учун Лукас якунда Йода исмида тўхтаган.
Изоҳ (0)