Нью-Йоркда ижтимоий тармоқлардаги ютуқлари учун Shorty Awards мукофоти топширилди

Нью-Йоркда 2016 йилда ижтимоий тармоқлардаги фаоллиги ва ютуқлари учун Shorty Awards мукофотини топшириш маросими бўлиб ўтди, деб ёзади «ТАСС».

Ижтимоий тармоқлардаги энг оммабоп актёр дея 14 ёшли америкалик Гейтен Матараццо эътироф этилди. У «Хўрланганлар» мюзиклидаги ролидан сўнг танилган. Ҳайъат фикрига кўра, Матараццо иштирок этган ва Netflix видео-сервисига жойланган «Жуда ғайриоддий ишлар» сериали ҳам катта муваффақиятга эришмоқда. Аввалроқ актёр Американинг Time журнали версиясига кўра, 2016 йилда 100 нафар энг таъсири кучли ўсмирлар рейтингига кирган эди.

Интернетда энг катта ютуқларга эришган актриса сифатида канадалик ижрочи ва модель Шей Митчелл тан олинди. У «Ёқимтой ёлғончилар» сериали якунланиши муносабати билан YouTube’га жойлаган видеомурожаат 2 миллион мартадан кўпроқ томоша қилинган. Бундан ташқари, унинг YouTube’га қўйиб бориладиган пазандалик дарслари ҳам катта қизиқишга сабаб бўлмоқда.

Интернетдаги энг оммабоп жониворга бағишланган номинацияда Крузо лақабли такса ғолиб бўлди. Крузо иштирокидаги видеолар YouTube’да 44 миллион мартадан кўпроқ кўрилган.