Нью-Йорк кўчаларидан бирида кетаётган қиз ўзидан сал нарироқда отишма юз бераётганидан бехабар. Бирданига унинг телефонига хабар келади ва махсус сервис уни ва яна шу атрофдаги юзлаб одамларни қочиб кетган жиноятчидан эҳтиёт бўлиш учун қайси кўчага бош суқмаслик ҳақида огоҳлантиради. Бу ҳақда TJournal ҳикоя қилмоқда.
Citizen («Фуқаро») дастури реал вақт тартибида яқин орада юз бераётган воқеалар ҳақида билдирувлар тақдим этади. Шунингдек, фуқароларнинг ўзи атрофдагиларни хабардор қилиш учун ҳодисанинг тўғридан-тўғри трансляциясини олиб бориши мумкин.
Ҳозирча Нью-Йоркнинг фақат беш туманида ишлаётган дастур ноқулайликлар туғдирмаслиги учун унинг ходимлари мегаполис полицияси ва ўт ўчирувчиларнинг шифрланмаган частотаталарини сканер қилади.
Шундан сўнг фойдаланувчиларга уларга яқин ҳудудда рўй бераётган ҳодисалар ҳақида билдирув юборилади, шунингдек, бўлиб ўтган ҳодисаларнинг қидирув харитаси яратилади.
Citizen дастуридан барча iOS ва Android-қурилмалар ёрдамида фойдаланиш мумкин. Лойиҳа муаллифлари полиция таклиф этилган концепцияни маъқуллаши ва дастур АҚШнинг бошқа шаҳарларида ҳам ишга туширилишига умид қилмоқда.
Изоҳ (0)