Хонанда Дилсўз: Санъатда таниш-билишчилик авж олган

Хонанда Дилсўз айрим ҳолларда санъатни тарк этиш истаги пайдо бўлишини билдирди, дея хабар бермоқда «Darakchi.uz».

Журналист Жасур Ҳамроевнинг: «Санъатдаги ноҳақликни нимада кўрасиз?», деган саволига хонанда қуйидагича жавоб берди:

Санъатда таниш-билишчилик авж олган. Кимнингдир таниши бўлганидан, кимнингдир орқасидан кўтарилиш санъат оламида кўп учрайди. Истеъдодли билан истеъдодсиз юзма-юз келганида, каттароқ таниши бор истеъдодсиз ютиб кетади. Чунки истеъдодли инсоннинг орқасида ҳеч ким — на таниши, на пул бор. Мана шундай ҳолатларни кўрганимда санъатдан воз кечиб, ҳаммасига қўл силтаб кетгим келади.

Танишининг орқасидан кўтарилган, нимагадир эришган инсон аввало ўзига: «Мен шунга муносибманми?», деган саволни бериши керак. Агар ўша одам олган мукофотига муносиб бўлса, ҳамма тан беради. Лекин муносиб бўлмаса, изланиб, ўз меҳнати билан кўтарилаётган бошқа санъаткорлар олдида виждони қийналиши керак.

Дилсўз, хонанда