Туркия президенти Ражаб Тоййиб Эрдўғон Анқарада бўлиб ўтган тадбирда Нидерландия билан дипломатик можарони узр сўраш билан ҳал қилиб бўлмаслигини маълум қилди. Бу ҳақда «Газета.ru» хабар бермоқда.
Туркия раҳбари Нидерландияга нисбатан яна чоралар кўрилишини айтиб таҳдид қилди.
Ражаб Тоййиб Эрдўғон Германия канцлери Ангела Меркелни Роттердамдаги Анқара консуллиги биносида Туркия намойишчиларига нисбатан кучуклар ва сувли тўплар ишлатган Нидерландия полициясидек Туркияга ҳужум қилганликда айблади.
Унинг фикрича, Меркелнинг Нидерландиядан ҳеч ҳам фарқи йўқ. Туркия президенти Европа иттифоқига кўчиб бораётган туркларни Европа мамлакатларида яқин орада бўлажак сайловларда «ҳукумат ва ирқчилар» учун овоз бермасликка чақирди.
Эслатиб ўтамиз, аввалроқ Туркия Нидерландия билан юқори даражадаги барча учрашувларни бекор қилгани ҳамда Нидерландия элчисининг мамлакатга киришини тақиқлагани маълум қилинган эди.
Изоҳ (0)