Француз сайловчиларининг учдан икки қисмига яқини Республикачилардан номзод Франсуа Фийон президентлик сайловларида қатнашмаслиги тарафдори. Бу ҳақда Франция жамоатчилик фикрини ўрганиш институти томонидан ўтказилган сўровнома натижаларига таяниб, Reuters агентлиги хабар бермоқда, деб ёзади «ТАСС».
Сўровнома натижаларига кўра, иштирокчиларнинг 65 фоизи Фийон ўз номзодини сайловлардан олишини истамоқда. Шу билан бирга Республикачилар партиясини қўллаб-қувватловчиларнинг 70 фоизи унинг президентлик пойгасидаги иштироки тарафдоридир.
17—18 февраль кунлари ўтказилган сўровномада мингдан ортиқ одам иштирок этди.
Фийоннинг сохта иш ўринлари яратиш йўли билан давлат маблағларини ўзлаштирганлиги эҳтимоли билан боғлиқ можаро Le Canard enchaîné нашрининг бир қатор мақолаларидан сўнг юзага келди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)