АҚШ вице-президенти Майк Пенс Донбассдаги қуролли низо учун Россия жавобгар эканини маълум қилиб, Россиядан Минск келишувларига риоя этишни талаб қилди. Бу ҳақда Meduza хабар бермоқда.
«Қўшма Штатлар, ҳамкорлик учун асослар излаётганимизга қарамай, худди аввалгидек Россияни жавобгарликка чақиради», — деди Пенс хавфсизлик бўйича Мюнхен конференциясидаги чиқишида.
Ўз нутқи давомида Пенс АҚШ НАТО бўйича ўз иттифоқчиларини тўлиқ қўллаб-қувватлашини ҳам айтиб ўтди.
Watch @mike_pence's full address to the annual international security conference in Munich https://t.co/ObtU73alva
— Sky News (@SkyNews) February 18, 2017
Россия Сенатининг халқаро алоқалар бўйича қўмитаси раҳбари Константин Косачев АҚШ вице-президентининг нутқидан ҳафсаласи пир бўлганини маълум қилди.
«Украина масаласи бўйича Минск келишувларининг бажарилиши учун жавобгарлик фақат Россия зиммасида экани ҳақидаги бу нуқтаи назар ҳафсалани пир қилди», — дея Косачевнинг сўзларидан иқтибос келтирмоқда «Интерфакс».
Аввалроқ Оқ уй матбуот котиби Шон Спайсер АҚШ президенти Дональд Трамп Қрим Украина таркибига қайтишига умид қилаётганини айтиб ўтган эди. Кейинроқ Трампнинг ўзи эса «Россия Қримни тортиб олгани» ҳақида твит ёзган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)