Таиландда автобус 12 кишини уриб кетди ва 60 та транспорт воситасига шикаст етказди
Таиланднинг марказий қисмидаги Патхумтхани провинциясида йўловчи автобуси иштирокида юз берган йўл-транспорт ҳодисасида 12 киши жароҳат олди. Бу ҳақда 2 ноябрь, чоршанба куни маҳаллий полиция маълум қилди, деб ёзади «ТАСС».
Ҳуқуқ-тартибот ходимларининг маълум қилишича, йўловчиларсиз кетаётган автобус ҳайдовчиси катта тезликда бошқарувни йўқотган. Оқибатда автобус дастлаб йўл четига тўхтатиб қўйилган 18 та автомобилга шикаст етказган, кейин эса мотоцикл сотувчи дўконга бориб урилган. Дўконда 43 та транспорт воситасига шикаст етказган.
ЙТҲ оқибатида жабрланган 12 кишидан етти нафари шифохонага ётқизилган.
Полициянинг маълум қилишича, дастлабки маълумотларга кўра, автобус тормозидаги носозлик аварияга сабаб бўлган. Ҳодиса юзасидан суриштирув олиб борилмоқда.
