Россия 1 октябрь, шанба кунидан эътиборан БМТ Хавфсизлик кенгашини бошқаради. Бу ҳақда «Ведомости» хабар бермоқда.
Кенгашнинг Россия раислигидаги биринчи йиғилиши 3 октябрда бўлиб ўтади ва унда октябрдаги ишлар дастури тасдиқланади.
Ҳозирда муҳокама учун асосий мавзулар тариқасида Африкадаги можаролар: Судан, Конго Демократик Республикаси, Мали, Марказий Африка Республикаси, Жанубий Судандаги вазият, шунингдек, Яқин Шарқ — Сурия, Ливан ва Ямандаги ҳолат кун тартибида турибди.
28 октябрда бўлиб ўтадиган БМТнинг минтақавий ташкилотлар, жумладан, ШҲТ билан алоқаларига бағишланган муҳокамалар Россия раислигидаги асосий тадбир сифатида кўрилмоқда.
Қолаверса, октябрда БМТнинг янги бош котибини сайлаш жараёни якунланиши кутилмоқда.
Изоҳ (0)