Мексикада Испания футбол федерацияси президенти жияни жиноятчилар томонидан ўлдирилди

Испания футбол федерацияси президенти ҳамда УЕФА президентлигига номзод бўлган Анхель Мария Вильярнинг жияни Мексикада ўлдирилди. Бу ҳақда «Чемпионат» хабар бермоқда.

Вильярнинг қариндоши товон пули талаб қилган жиноятчилар томонидан ўғирлаб кетилган. Daily Mail нашрининг маълум қилишича, жиноятчилар ўғирланган қиз учун 20 минг песо (10 минг доллар) талаб қилган. Қизнинг оиласи шартни бажарган, бироқ жиноятчилар қизни барибир ўлдирган.

Хабар беришларича, Вильяр жиянининг жасади Мехико штати пойтахти Толука-де-Лердо шаҳридан топилган.

Аввалроқ ушбу ахборотни Испания ташқи ишлар вазири вазифасини бажарувчи Хосе Мануэль Гарсия Маргальо ҳам тасдиқлаган эди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.