Ўзбекистон миллий терма жамоасининг ЖЧ—2018 йўлидаги рақиби Сурия 15 августдан эътиборан Россияга ташриф буюради. Бу ҳақда «Championat.asia» Эроннинг Исна нашрига асосланиб маълумот берди.

1 сентябрь куни сурияликлар Тошкентда Ўзбекистон миллий терма жамоасига қарши майдонга тушади. Расмий ўйинга тайёргарлик кўриш учун Сурия иккита ўртоқлик ўйинида иштирок этади. Рақиблар Тожикистон ва Ливан.

Нотинчлик ҳукмрон бўлиб турган Сурияда уй учрашувларини ўтказа олмайдиган мамлакат бош жамоаси Ливан билан келишув амалга ошмагач, Эрон вариантида тўхталгани айтилган. Эрон ва Сурия Россия мундиали учун битта гуруҳда кураш олиб боришига қарамай, Сурия уч учрашувларини форс диёрида ўтказишга яқин.

Ўзбекистон ва Сурия жой олган гуруҳда Эрон, Жанубий Корея, Қатар ҳамда Хитой термалари ҳам иштирок этади.