«Ўзбекистон ҳаво йўллари» миллий авиакомпаниясига 2016 йилнинг учинчи чорагида етказиб бериладиган икки Boeing-787 Dreamliner самолётларидан дастлабкиси бўёқдан чиқарилди. Бу ҳақда Twitter микроблоглар хизматида хабар қолдирилган.
2007—2008 йилларда «Ўзбекистон ҳаво йўллари» Boeing билан тўртта Boeing-767-300ER ва иккита Boeing 787-8 Dreamliner самолётларини сотиб олиш бўйича умумий қиймати 645 миллион долларлик шартнома имзолаган.
2015 йилнинг июлида Boeing-767-300ER’ни етказиб бериш бўйича шартнома амалга оширилган. Иккита 787-800 Dreamliner эса 2016 йилда етказиб берилади.
Янги самолёт узоқ ва ўта узоқ халқаро йўналишларда фойдаланилади ҳамда «Тошкент — Нью-Йорк» йўналиши бўйича қўнилмайдиган парвозларни амалга ошириш имконини беради.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)