Ўзбекистон ва Ироқ: ўйин учун чипталар сотувга чиқарилди
24 июль куни «Бунёдкор» стадионида бўлиб ўтадиган беллашув учун чипталар сотувга чиқарилгани ҳақида ЎФФ матбуот хизмати хабар берди.
Унда чипталар икки тоифага ажратилгани маълум қилинган. Биринчи тоифа чипталарнинг нархи 15 минг сўмдан этиб белгиланган, ўйинни CIP сектордан кузатишни истовчилар чиптани 30 минг сўмга харид қилиши мумкин.
Ўзбекистон миллий терма жамоасининг Ироққа қарши 24 июль кунги ўйини соат 19:00 да бошланади. 21 июль куни эса Ироқ термаси Ўзбекистон олимпия термаси билан «Жар» стадионида 18:00 да ўйин ўтказади. Биринчи учрашувни томоша қилиш бепул.
Ўзбекистон ва Ироқ миллий терма жамоалари ўртасидаги беллашув учун ўзбекистонлик легионер футболчилар жалб қилинмаган. Одил Аҳмедов, Сардор Рашидов, Виталий Денисов, Санжар Турсунов, Анзур Исмоилов, Игорь Сергеев, Егор Кримец, Александр Гейнрих каби футболчилар терма жамоанинг Австриядаги йиғинида ҳам иштирок этмаяпти.
