Россия ва Саудия Арабистони 2014 йил июнидан 2015 йил июнига қадар бўлган даврда АҚШ активларига киритмалар ҳажмини 50 миллиард долларга қисқартирди. Бу ҳақда «РБК» хабар бермоқда.

31 май куни АҚШ молия вазирлиги чоп этган маълумотлардан кўринишича, Россиянинг АҚШ қимматбаҳо қоғозларига киритмалари 2014 йил июнига нисбатан 42,1 миллиард долларга камайиб, 115 миллиард доллардан 72,9 миллиард долларгача тушиб кетган. Саудия Арабистонида бу кўрсаткич 10,5 миллиард долларга камайиб, 194,2 миллиард доллардан 183,8 миллиард долларгача тушиб кетди.

Россия инвестицияларининг АҚШ иқтисодиётидаги улуши қисқариши дунё давлатлари ўртасидаги энг юқори кўрсаткичдир. Саудия Арабистонидаги тушиш эса фақат Япониянинг кўрсаткичларидан ортда қолмоқда — Япония инвестициялари 14 миллиард долларга камайиб, 1,917 триллион доллардан 1,903 триллион долларга тушиб кетди.