Афғонистонда 52 киши йирик автоҳалокат қурбони бўлди

Афғонистоннинг Ғазни вилоятида икки автобус ва бир бензин ташувчининг тўқнашиб кетиши оқибатида 52 киши ҳалок бўлди. Бу ҳақда, Associated Press агентлигига асосланиб, «Интерфакс» хабар бермоқда.

Яна 73 киши жароҳат олгани маълум қилинмоқда.

Фожиа 8 май куни эрталаб Кобулни Қандаҳор билан боғлайдиган автойўлда содир бўлди. Тўқнашувдан сўнг ҳар уч транспорт воситасида ёнғин келиб чиқди.