12 апрель куни футбол бўйича 2018 йил бўлиб ўтадиган жаҳон чемпионати сари кураш олиб бораётган Осиёнинг ўн икки терма жамоаси 3-саралаш босқичидаги рақибларини билиб олади.

Тошкент вақти билан 13:30 да бошланадиган қуръа ташлаш маросими олдидан 3-саралаш босқичига қадар етиб келган ўн икки мамлакат терма жамоаси ФИФА рейтингида эгаллаб турган ўрнига кўра олти саватчага ажратилади. Бунда битта саватчадан жой олган икки мамлакат битта гуруҳга тушмайди.

Регламентга кўра, ўн икки терма жамоа 6 тадан икки гуруҳга бўлинади. Гуруҳларда дастлабки икки ўринни эгаллаган термалар жаҳон чемпионатига йўлланмани қўлга киритади. 3-ўрин соҳиблари эса ўзаро икки ўйиндан иборат плей-оффда иштирок этади. Ғолиб жамоа қитъаларо плей-офф учрашувларида қатнашади.

ЖЧ саралашининг 3-босқичига йўл олган Осиё терма жамоалари 7 апрель куни эълон қилинган ФИФА рейтингида қуйидаги кетма-кетликда жойлашган: Эрон (42), Австралия (50), Жанубий Корея (56), Япония (57), Саудия Арабистони (60), Ўзбекистон (66), БАА (68), Хитой (81), Қатар (83), Ироқ (105), Сурия (110), Таиланд (119).

Қуйида ЖЧ—2018 3-саралаш босқичи саватчалари кўрсатиб ўтилган:

1-саватча:Эрон ва Австралия

2-саватча:Жанубий Корея ва Япония

3-саватча:Саудия Арабистони ва Ўзбекистон

4-саватча:БАА ва Хитой

5-саватча:Қатар ва Ироқ

6-саватча:Сурия ва Таиланд

Ўзбекистон терма жамоаси ўзининг эҳтимолий рақиблари билан қачон ва қаерда ўйнаши битта расмда акс этган.