Венесуэла парламенти мамлакатда озиқ-овқат етишмовчилиги туфайли фавқулодда ҳолат эълон қилди. Бу ҳақда TJournal хабар бермоқда.
Мухолифат депутатларининг айтишича, мамлакатда асосий маҳсулотлар бўйича танқислик 87 фоизга етган. Озиқ-овқат соҳасидаги национализация қилинган ва ҳозирда маҳсулот ишлаб чиқармаётган корхоналар сони 300 тани ташкил этмоқда. Депутатлар БМТ ва ЮНИСЕФнинг Озиқ-овқат ҳамда қишлоқ хўжалиги ташкилотларига мамлакатда юзага келган вазиятни баҳолаш учун экспертлар жўнатишни сўраб, мурожаат этган.
Эслатиб ўтамиз, олдинроқ Венесуэла президенти Николас Мадуро мамлакатда 60 кун муддатга фавқулодда иқтисодий ҳолат жорий этишга қарор қилгани ҳақида хабар берилганди.
Изоҳ (0)