Россиянинг Подольск шаҳрида юнон-рум кураши бўйича ўтказилган халқаро турнирда иштирок этган ўзбекистонлик 13 спортчидан 7 нафари совриндорлар сафидан ўрин олди. Бу ҳақда Ўзбекистон Миллий олимпия қўмитаси матбуот хизмати хабар бермоқда.
Терма жамоа аъзоларидан Муҳаммадали Шамсиддинов (85 кг) олтин, Феруз Тўхтаев (59 кг) кумуш, Ислом Баҳромов (59 кг), Мирзабек Раҳматов (66 кг), Нурбек Хошимбеков (75 кг), Эрмат Шерматов (85 кг) ва Далер Раҳматов (130 кг) бронза медалига сазовор бўлди.
Ёшлар терма жамоаси катта мураббийи Равшан Рўзиқуловнинг таъкидлашича, мазкур халқаро турнир ўзбекистонлик спортчилар учун Осиё ва жаҳон чемпионатлари олдидан ўзига хос тайёргарлик босқичи вазифасини ҳам ўтаган.
Изоҳ (0)