Эрон ўз ядровий дастури ҳақидаги маълумотларни Атом энергияси бўйича халқаро агентлик (МАГАТЭ)га тақдим этди. Бу ҳақда «РБК» хабар бермоқда.
«Бугун Эрон мамлакатнинг аввалги ва жорий ядровий дастурига алоқадор ёзма тушунтиришлар ва ҳужжатларни МАГАТЭга тақдим этди», — дейилади агентлик хабарида. МАГАТЭ вакилларининг қайд этишича, Эрон томонидан мазкур ҳужжатларнинг тақдим этилиши 14 июль куни эришилган келишувда кўрсатиб ўтилган эди.
Аввалроқ халқаро воситачиларнинг «олтилиги» Теҳрон билан Эрон ядровий дастури борасида келишувга эришганди. Унга кўра, Эрон ўз ядровий дастурини чеклаши ҳамда ўз ҳарбий базаларига МАГАТЭ вакилларининг киришига рухсат бериши эвазига Теҳронга нисбатан жорий этилган санкциялар бекор қилинади. Эрон билан эришилган мазкур келишув 20 июль куни БМТ Хавфсизлик кенгаши томонидан маъқулланган эди.
Изоҳ (0)